LASKATI

LASKATI (“Alaska Tea”): Isa ka Sugilanon

By Edgar Siscar in PAHINA’ HILIGAYNON

Sang 1945, matapos ang Liberation, may mga Amerikano pa nga nabilin sa Pavia nga nagapanghimos sang ila mga tolda kag mga gamit tuhoy sa giyera. Sang isa ka adlaw, si Anhing Polding nga sarhento sang US Army naghagad kay Captain Buchner nga manyaga sa ila balay nga malapit lang sa kampo. May binakol, sinugba nga tuloy, paho, kag ginulot nga sinugba nga baboy nga ginhanda si Manong Polding para sa mga katapo sang contingent nga nabilin.

May langgawan man didto si Manong Polding sa botelya sang Johnny Walker nga nasudlan man sang mga katumbal, luy-a, ahus kag langkawas. Agud maganahan ang iya mga bisita, ginbutangan niya sang yahong kag ihuwad ang unod sang nasambit nga botelya— sawsawan sang ila sulod-anon.

Sang isawsaw ni Captain Buchner kag idapal ang sinugba sa iya baba, namutikan niya nga makahang ini. Ginpamalhas sia. Nadumdoman niya ang Alaska kon sa diin sia nadestino sang una. Didto sa Alaska masami nga matugnaw kag kinahanglanon niya ang mga makahang nga pagkaon agud balhason sia. Gin-uyatan ni Captain Buchner ang botelya nga nasudlan sang langgaw kag mga katumbal, ginhimutaran ini sing maayo kag namangkot kay Manong Polding, “Hey, man, is this Alaska Tea?”

Madamo nga katapo sang panimalay ang nakabati sang ginsambit ni Captain Buchner. Ang pamati nila sang Alaska Tea, “Laskati.” Gikan didto nangin ‘Laskati’ ang tawag nila sang botelya nga may unod nga langgaw, katumbal, luy-a, kag ahus.

Bilang pasidungog kay Captain Buchner, ginhingadlan ni Manong Polding ang iya ido nga ‘Buchner’.

_________

Note: Edited 10 June 2018. This was originally posted in PAHINÁ HILIGAYNON on August 24, 2016 /ehs

FB_IMG_1528621189158

Reference: https://m.facebook.com/story.php?story_fbid=2274713499210503&id=100000156241829

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s