Mga Hibubun-ot ni Oming

Ang hibubun-ot ni Oming (Roming Labadia Arcenal) sa subong nga panahon, labi na gid sg natapos na ang nasyonal nga eleksyon sg presidente kag sg senador. Ini ginpaagi nya sa mga binalaybay nga iya gindihin kag natan nabalhag sa iya nga kaugalinong nga Facebook account.

SAN-0 PA AYHAN??

San-o pa ayhan magatawhay?
San-o pa mauntat mga bangigay?
San-o pa ang mga tao mag linong?
San-o pa ang mga tao mag tarong?

San-o pa ayhan nga tiempo
magbalik ang mga respeto
Daw nalipat na ang mga tao
Sang pagbinatasan nga maayo

Halos tanan daw nag isog
gapangakig sa gamay nga lahog
Ga pulutok dayon ang mga liog
Daw nabuong ang ila itlog

Ang pag respeto nadula na
ang maayo nga batasan napanas na
kada isa dayon ga pamuwersa
Sa Facebook mabuyayawan ka!

Kada isa daw gulpi nag alam
Kon imo lang sila pamati-a
Halos tanan ila nabal-an
nangin abogado na, genius na tanan

Mgha tinaga nga binastos sang una
Subong da wala lang ‘PUTANG INA”
maskin mga bata subong ,, singgitan ka
Mamaya mo papatayin kita !!

II

Daw kasubo gid panumdomon
ini nag umpisa sang eleksyon
ini ang mga natun-an naton
nadula na ang mga edukasyon

Ini tanan ang mga nakuha naton
ang mga tao nangin pikon
gamay nga likday mamuyayaw dayon
kon ano mabatia-an , gina sunod naton

ang mga pag binutig nangin uso
malain nga mga tinaga gina saulo
Maskin wala na sa punto
pilit ipa baton sa mga tao

Sining nag ligad nga eleksyon
damo kita nakuha nga leksyon
kalolo-oy man ang aton nasyon
nag kaladula mga kultura naton

SAn-o pa ayhan magataw-hay
Mauntat pa ayhan mga inaway
indi ayhan ini maga lala pa?
kay wala ga hilituhog mga lideres ta!!

San-o pa ayhan mga kasimanwa
Maga balik ang aton pasensya
Tani mag hulogpong na kita
Para ang Pilipinas maga sadya!!

Ini ang akon napangamuyo
nga ang tanan indi mag kasubo
kay tani kay tapos na ang eleksyon
problema sang nasyon ang atubangon !!!

Kita mo mga kasimanwa
may isa ka follower siya
na hipnotays siguro daya
hay gin justify na pa ya idol na

maskin ano pa ikuon mo
nga sinsero si rodrigo
nga kon mag hambal tana
pareho ka panghambal nanda

tuod ran hay amo ran tana maghambal
mayad man ran maskin pa baraghal
pay presidente don , sigehon na pa
ya panghambal nga waay it data.

Kon presidente kaw don
may dyan nga proper decorum
dapat na man nga sundon
bilang isa man ka halangdon !!

III

May natabo gali nga bag-o
ambot kon naka bati na kamo
isa ka reporter nga babaye
Kilala nyo si Mariz umali?

Sa isa ka press briefing sang presidente
may gin pamangkot si Mariz Umali
Sang presidente gin paniholan sia
indi na maayo siling sang iya bana.

ti san-o pa ni mauntat ayhan?
indi na ayhan ni mauntatan?
sige sige na lang ni tanan?
ahay makalolo-oy ka lang!

amo ni ang pag-bag-o nga siling nila
ang gina pahambog sang mga tinao ya!!
wala ni makita sang mga followers ya?
ambot kon ano ang hambal nila !!

wala gid nila ni makita kag mabati-an
ukon na palapos sa pihak nga dalunggan?
kay bisan malain ang ginahambal ya
asus a!! ga pinalakpak sila ila !!!

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s