Sin-o Bala si Sir Kent?

Kent

Kent

Dapat naton kilalahanon kun sin-o si Sir Kent.

May mga grupo sa Facebook nga ginatalapuanan sang mga manunudlo sa Nakatundan Kabisay-an. Ang inyo manunulat isa sa kadam-an mga katapu sinang grupo.

May nabalhag didto isa ka daku nga bulig sa isa ka bumulutho nga tama gid kapigado didto sa buluthuan elementarya sang Tabugon sakop sa dakbawang Kabankalan, Negros Occidental.

Ang nasambit nga bata nagaeskwela sa ikaanum nga halintang. Maalam. Mataas ang resulta sang iya nga mga kuhaa nga grado sa English, Science kag Filipino.

Angelo

Angelo

Ang ngalan sini nga bata amo si Angelo Arquillo Aldohesa, isa sa 49 nga bumulutho sa nasambit nga elementarya. Ang iya maalwan kag may pagpalangga sa iya amo si Sir Kent Jalandoni Gealon nga taga-Hinigaran, Negros Occidental.

Gusto ni Sir Kent nga iya sakdagon si Angelo sa iya tanan nga galastuhan sa pag eskwela, bisan tubtob pa sa kolehiyo. Gusto niya pakuhaon si Angelo sang kurso sa Maritime.

Si Angelo, isa lang sa mga madamu nga ginasustentuhan ni sir Kent.

Sir Kent may pito na katuig nga nagatudlo. Bugal niya ginabantala ang iya dalisay nga tinutuyo kay Angelo nga iya bilangon nga isa ka utod, pagasuportahan sang iya mga kinahanglanon sa pagbutho.

Nagapati si Sir Kent nga kun pabay-an lang si Angelo piho gid nga wala sang maayo nga madangpan ang bata kay ang iya ginikanan wala nga atipan sa iya. Ginapabay-an lang sya. Ugani maayo kay natalupangdan sya ni si Sir Kent.

Madamu nga nagadayaw sa kay sir Kent sa sini nga halandumon nga buluhaton para sa iya isigkatao. Madamu man nga nagahatag sa bendisyon sa iya nga madamu pa ang iya mga kaliwat kag tagaan sya sang bugay sang Mahal ng Diwa, Mahal nga Makaako.

Sir Kent, saludo kamo sa imo. Mabuhay ka. Kabalo kami nga kun ano ang imo ginhimo sa labing kubos katulad ni Angelo, nahimo mo man ina sa aton Ginoong Hesuskristo.

Tabugon Elementary School

Tabugon Elementary School

Ginadayaw man gali naton ang prinsipal ni sir Kent, nga si Ginoong Raul Agustino Mambalos nga nakaagum sang maestro nga kasubong ni sir Kent. Ay huo gali si Marcus Vulkan kag si sir Kent isa lang. Marcus Vulkan ang lahoglahog nga pangalan ni sir Kent sa Facebook.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s