Ang Romantiko nga Adventure ni Lolo kag Lola

Pangingbulahan sa kay Dan Calvin C. Barlas, 10 ka tuig nga bumulutho sang Esperanza Elementarya sang Division sang La Carlota nangin madinalag-on nga pinakasampaton nga manugbinalaybay sa sambuwa sang pagbinalaybay.

dan calvin barlas

Katahum sang iya pag-interpretar sang binalaybay nga gindihon ni Gng. Vilma Torrefranca nga may tig-ulo nga “Ang Romantik Adventure ni Lolo kag Lola.”

Ari ang kabug-usan sang nasambit nga binalaybay. May pahanugot ini nga ibalhag diri gikan sa principal kag manunudlo nga naghanas sa nasambit nga bata:

Si lolo kalbo pero macho.
Si lola gwapa pero estrikta
kon paano sila nag-asawahay nga duha,
Pamati kamo maayo kay kita maestorya.

Suno kay lolo, si lola daw si Maria Clara
Mahinhin, mapisan, mapisli kag but-anan.
Modela siya sang tunay nga dalagang Pilipina.
Gani si lolo, natuhog guid sang pana ni Kupido.

Sari-sari nga diskarte ginhimo ni lolo
Para makuha ang kay lola mahal nga huo.

Una nga diskarte ni lolo pamasyaran si lola
Naka-long sleeves puti, nga daw kalasalon ang porma
Pero daku nga disgrasya sang managbalay si lolo
Nakadanlog sa hagdan, pumauli gakiang-kiang.

Sang madason nga gab-i si lolo nagharana,
Mga ambahanon nga puno sang paghigugma.
Nakibot ang mali-mali nga nanay ni lola.
Kinuha ang orenola, ginbasya ang unod ya!
Ay, siling ni lolo pagkahamot nga agua.

Suno nga pamasyar ni lolo kay lola.
Nagdala siya bulak rosas kag sampagita.
Pero malas siya kay laon ga utod ni lola ang nagbaton sa iya.
Abaw, Abundio! Salamat gid sa imo.
Gindalhan mo bulak ang akon Sto. Niño.

Si lola husto lag magtulok kay lolo nga nagayuhum-yuhum.
Daw naham-ut kay lolo pirme lang palpak ang pakulo.
Pero si lolo never nagsurrender
Kay suno sa iya, he is a true lover.

Naglibog ag kay lolo ulo kon ano ang iya himuon
Agud mapautwas kay lola ang unod sang balatyagon.
Ginpakammayo niya nga regalohan si tatay kag nanay ni lola.
Abi ninyo ano? Tuba, buyo, apog akg bunga.

Daw epektibo ang diskarte ni lolo
Kay nahobg tuba si nanay kag tatay ni lola.
Gani nag-abante na si Andres Bonifacio eh, este si lolo Abundio.
Gin-pautwas kay lola ang ginahuptan nga gugma
Hubog-hubog na ang duha ka tigulang
Kamot ni lola kay lolo gin-uyatan
Ang duha ka tigulang hinali naumpawan
Ginpalapitan si lolo, dayon taya shot gun.

Gilayon ginpatawag pari sa kunbento.
Insigida ginkasal si lola kay lolo.
Shot gun marriage, para sigurado, suno kay lolo.

Pero indi pa diri natapos ang kalbaryo ni lolo
Kay pagkatapos sang kasal gintago si lola ni nanay niya.
Gusto nila manirbihan anay si lolo sa pamilya ni lola.
Kag abi nyo duhaka tuig ang kontrata –
Maarado si lolo kun aga
Manag-ob tubig kun udto
Mamis-ak kahoy kun hapon.
Ahay anhon mo, yan ang Pilipino custom.

Ay kabudlay pangaluyagan ang mga dalaga sang una.
Kun alang-alang lang ang imo gugma,
Sigurado guid nga masurrender ka.
Pero tungod ang gugma gamhanan
Hahamakin lahat masunod ka lamang.
Opps! Tama ba si Florante at Laura?

dan calvin barlas and coach sayseDaku gid ang kalipay sang iya principal, Gng. Carole Camporazo-Abalajon kag sang iya trainor, Gg. Dijie B. Sayse.

Sa madamu nga nagpasakop sa nasambit nga paindis-indis sang binalabay si Dan Calvin, amu ang napilian nga pinakasampaton nga manugbinalaybay.

Ang tumalan-aw nasadyahan gid, nalipay gid sa pag-interpretar sang bata sang “Ang Romantik adventure ni Lolo kag Lola”.

Ini nga paindis-indis sa binalaybay gina-pangunahan ni Ginang Ma.Luisa Gilbraltar bilang chairman nga hurado. Isa ka daku nga gadungganan man sa bug-os nga division sang dakbanaawa sang La Carlota nga gin-baton ni Gng. Gibraltar ang pag-imbitar sa iya nga mangin-hurado sa nasambit nga sambuwa sang pagbinalaybay.

Si Gng. Gibraltar isa ka kinalala nga manunulat kag katapu sang Hiligaynon, bantog nga balasahon diri sa puod sang Negros Nakatundan. Daku man ang pagpasalamat ni Gng.Mithos Hiponia, education program supervisor sa arts kag culture sa Division sang La Carlota.

 

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s