ANG MALULUY-ON NGA MISYONERO

Reynaldo F. Piscol
In case you’re interested in knowing more info on zanzibar holidays, stop by http://zanzibar.co.uk

ni REYNALDO FAJURANO PISCOL

Pwerte ang yumoyumo sang soltero kay nabaton niya ang imbetasyon nga mag-attend gid sang birthday sang gwapa nga crush niya.Pormal attire kuno, ti nang-ukay sia sa baol pangita ka pinaka ali niya nga long sleeve kag amerikana, paresan ka kurbata terno sa pantalon. Nagakurukanta sa kalipay bisan libagon samtang nagapaligo sa banyo. Makapila gid manghabon kag mangshampoo kay excited sia kaayo.Kaduha magsipelyo para fresh breath gid kuno.. todo papuswit sang deodorant kag cologne kag ginsuksok ang iya terno. Daw si kulas dayaw sia nga nagatangotango atubang sa espejo.

“Okey na gwapo na ako,,bilib gid sini ang mga chiks kon makita ako”

Ang pomada nga pinakatig-a amo ang iya gin palhit sa palad niya kag dayon pulopulo sa buhok niya kag husayon sing pinataliwis sa ibabaw kay amo ang uso sa mga bagets.Ang sapatos nga may taliwis sa punta nga daw masal-an nga deadly weapon amo ang ginsuksok niya kay para lain siya sa iban para kuno mapansin dayon.Ang pagbalikbalik niya sa salaming kag sige practis sang yuhom kag iban pa nga mga posing amo ang nakapadugay nga daw ma late na gani siya.

Maayo lang kay may motor siya kag iya nga ginabulobanta nga kon madasig lang ang iya pagpadalagan indi gid siya sa gate masiradohan . Nakakorbata,, nakapostora..dayon krangg sang motor kag magpaborhot. Madasig ang dalagan sang motor gani ang kurbata nagatapliktaplik kag magsabod sa iya liog. Nagpondo siya kag badbaron ang kurbata nga nagasabad sa liog niya..

Makatatlo na siya pondo sa amo nga proceso kag sa ulihi natak-an siya kag nakadesisyon nga ang amerikana kag ang kurbata iya nga baliskaron. Sa likod na ang kurbata kag ang amerikana naga-atubang na sa likod, kag kalipay niya nga wala na siya nagaproblema samtang paspas ang padalagan sang motor niya.Sa ano nga kadimalas, ukon siguro sa iya kapaspas nga siya nadisgrasya. Basi nag kupos gulpi ang goma nga nag ekis-ekis kag nagderitso sa kalog. Nalipong ang pobre nga nagabororo sa kalog.

Sa maayo nga palad, may misyonero nga nagasunod. Nagpapondo sang iya kotse kag dayon tabang sa lipong nga soltero. Ang misyonero makapila mangoros pagkakita niya sa ka grabe gid sang disgrasya:

siya nagkulomoron “Por Dios por santo pagkagrabe gid matuod, ang ulo sa una nagliso sa likod”

kay wala man siya makahibalo nga ang ginsuksok ginpaatubang lang sa likod. Ang dako nga misyonero nag desisyon dayon nga ayohon nga ang ulo nga mabalhin sa atubang kag nahimo niya bisan siya nabudlayan.Sang gindala na niya sa Hospital nasubo siya kay gin pronounce sang doctor “Dead on Arrival” siling niya grabe gid gali ang amo nga disgrasya..

Sabat sang doctor” Wala ini napatay sa disgrasya.. Napatay ini tungod may naglunggo sang liog niya.

[Amu ini napilian sg mga hurado, sa diin ang Tumandok isa sa katapu sg mga hurado, tagdaug sa paindis-indis sa pagsulat sang labing malip-ut nga sugilanon sang The Peter Solis Nery Foundation para sa bulan sang agosto 2013]

reference: https://www.facebook.com/ThePeterSolisNeryFoundation/posts/567411083322414

Advertisements

2 responses

  1. ay ti, kung wala tani gintabangan sang misyonero buhi pa daad ang soltero. hay kung kis-a sa abi naton makatabang, naglala pa gid. feeling ko ilonggo kaayo ako kung magbasa ako sang mga amo sini. hidlaw man gid ako sa magasin nga “YUHUM” sang lola ko sa una ba…

    • Madamu gid nga salamat Ms. Obusa sg imo nga manami nga komento. Indi bala kanami gid sg pulong nga Ilonggo… suno pa sa iban ang pulong nga Ilonggo amo ang pulong sg himaya… kumporme ka sina?

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s