PACKAGE

[Body Fitness: JogRunRace.com]

————————————————

ni Joan Aranda Recodo

“Tagbalay! Delivery!”Daw lupadon ko ang distansya halin sa kwarto asta sa pwertahan sang mabati-an ko ang pagpanawag sa guwa sang balay. Ara na ang ginahulat ko nga iphone kag laptop. Mabulukaw naman ni kalimutaw sang mga classmates ko.“Pirma lang di Miss ”“Sige. Salamat!”Gintulok ko ang kahon, halin sa Saudi ang package. Ginpadala ni mama nga ato didto naga-ubra bilang domestic helper.

Napulo na ka tuig ang nagligad halin sang una nga nagpasimplad si mama sa luwas sang pungsod. Pito palang ako sadto ka tuig. Ginbilin ako ni mama sa paghinakop ni Papa nga masako man sa ubra.Sa eskwelahan, makita ko gid sa nawong sang mga classmates ko ang ka-ibog sa mga gamit ko nga mga bag-o kag imported kag amo ina ang gahatag sa akon kalipay. Okay lang nga wala si mama kag si papa kay nalipay man ko kag nalingaw sa mga gamit ko. Biskan ano pangayu-on ko kay mama ginapa-package ya dayon. Dayon ko bukad sang karton, indi ko na paghulaton si Papa. Kuha-on ko lang ya ang parte ko kay may mga ngalan naman.Gilayon ko gindala kag ginpashowing sa eskwelahan ang mga new things ko.

“Hala, kanami sang features kag applications sa iphone mo Jana.” “Gani, cute gid.”“Mapabakal man ko na kay mama.”Lain-lain klase nga pagdayaw ang mabati-an ko. Happy gid ko.

Sinemana na ang nag-ligad wala sa gihapon ka online si Mama sa Skype. Gahulat ko tani nga maka-online siya kay may nakita ko nga new shoes sa SM, basi maubusan ko stock!.

Makaligad pagid ang duha ka semana kag pag-pauli ko sa balay na-abtan ko si papa kag ang mga tiya ko nga may seryoso nga gina-estoryahan sa sala.“Jana,mapuli si mama mo sa sunod semana.” Masubo ang tingog ni Papa.“Gwapa! Mapuli na sya, wala gid sa mag-online. Mapabakal ko tani shoes”“Hulata na lang siya Jana”“Ano pa abi?”

Adlaw sang Dominggo kag naglakat kami ni papa kag Tita sa airport agod sugaton si Mama. Natingala gid ako nga-a imbis sa waiting area kami makadto, nagsulod gid kami sa airport matapos ni papa istoryahon ang airport personnel. Malayo pa kami sa hangar sang airport sang makita ko ang isa ka kahon nga may nakasulat nga pangalan ni mama.“JANINE MALAGA, OTON, ILOILO PHILIPPINES.”Mga bagahe pa guro ni mama. Ugaling nga-a gapalaba ang kahon kag naputos gid mayo. Sang nag-palapit na kami sa kahon. Ginpangita ko si mama apang wala ko gid siya makita.

Nakibot ako dayon sang gulpi lang natumba si Tita kag si Papa nagatangis nga ginhakos ang kahon ni Mama.“Janine!”Ang tanan nagahibi, wala ako makabalo kung nag-a. Wala ko pa makita si mama.“Si Mama Pah?”“Ari na si Mama mo Jana gin-papackage sang mapintas nga kapalaran sa luwas sang pungsod.”

[Ini nga malipot nga sugilanon nagdaug sg bulan sg Hulyo sa paindis-indis nga ginahiwat sg Peter Solis Nery Foundation kag ginapanag-iyahan sg nasambit nga Foundation. Ginbalhag na diri may pahanugot sa tagdumalahan sg Peter Solis Nery Foundation. Ang Tumandok isa sg mga hurado sini nga paindis-indis. Ini man ang iya napilian ng labing maayo nga sumalakop.]

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s