Peter Solis Nery Ginpasidunggan (Hall of Fame) sa 2012 Palanca Awards

Daku ang aton pagpanginbuluhan sa aton abyan nga isa ka Ilonggo nga manunulat nga si Peter Solis Nery sa iya pagkabaton sg pasidungog bilang Palanca Awards Hall of Fame sa sini nga tuig 2012.

Peter Solis Nery - Hall of Fame Awardee 2012

Si Peter Solis Nery upod nya ang iya iloy sa pagbaton sg iya plaque bilang isa ka Hall of Fame awardee sa Palanca Awards sa literatura. Ini nga litratro nagikan sa InterAksyon.com

Ginakabig ang isa ka manunulat sa Hall of Fame kun nagaagum na sya sg 5 ka nahauna nga lugar sa pagsulat.

Ini si Peter, ang iya mga sinulatan nga nakaagum sg mga una nga padya sa larangan sg pagsulat or literatura ang mga sumunod:

Sa sini nga tuig 2012, “Punctuation,” Binalaybay para sa mga kabataan sa pulong nga English; 2011, “Donato Bugtot,” Malip-ot nga sugilanon sa Hiligaynon; 2008, “The Passion of Jovita Fuentes,” isa ka langkoy nga drama; 2007, “Candido,” Malip-ot nga sugilanon sa Hiligaynon; kag sa 1998, “Lirio,” Malip-ot nga sugilanon sa Hiligaynon.

Nabaton nya ini nga dungog sa Rigodon Hall sg Peninsula Hotel sa Makati sining ulihi lang.

Upod nya ang iya pinalangga nga iloy sa pagbaton sini nga pasidungog.

Si Peter isa ka nurse nga naga-obra sa luwas sg Pilipinas. May kinaadman sya sa pagsulat sg binalaybay, malip-ot nga sugilanon, drama. Sya may huyog man sya sa paghimo sg pelikula.

Sining karon lang iya natapos ang isa ka pelikula nga ginatig-ulohan, “Gugmasa Panahon sang Bakunawa” nga pagapaggwa-on na sa 5 sg Setyempre sa SM Cinema 3 sa Dakbanwa sg Iloilo.

Sa gusto magbasa sg mga sinulatan ni abyan Peter, palihog pangita lang diri sa sini nga website kay akon diri tanan ginbalhag sa iya man pahintulot o pasugot.

Sa liwat abyan Peter panginbuluhan sa imo, sa imo kadalag-an kag dungog nga nahiagum tungod sg imo abilidad kag kinaadman sa pagsulat. Kabay magapadayun ini nga bulohaton sandig man sa pagbugay sg aton Mahal nga Diwa.

Advertisements

2 responses

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s