Provincial Jail

(Original Theme Song sang Drama sa Bombo Radyo nga pareha man ang tig-ulo.  Kag gina-kanta ini ni kamlon, taga jalandoni, jaro sang una nga nangin reporter sa radyo.)

Masubo matuod and dili angayan,
Provincial jail ang amon guin sudlan,
Pader naga libot, sa kilid mag timbang,
Rehas nga salsalon ang amon pwertahan

Ang guin tunaan sang amon pag preso,
May ara pamuno, pamatay sang tawo,
May ara holdaper, kawatan sa banko
May ara nga smuggler, kontra sa gobyerno

Alas siete sang aga, kami ang mamahaw,
Isa ka pandesal, taho nga malus-aw,
Ang luha sa amon mata naga kalaw-kalaw,
Bangod sadtong taho, sarang mapang hinaw

Alas onse impunto, kami ang mapila,
Makadto sa kitchen, makuha panyaga,
Bugas nga NGA, wala mapili-i
Bangod sang kitchen boy, matamad mag koti

Ang amon nga utan, ginulot nga langka,
Tinuktok nga tangkong, bisan asin wala,
Samtang naga kaon , ga tulo ang luha,
Daw ano ka subo, kung imo makita.

Sabado, Domingo, kami wala ubra,
Kami naga hulat sang amon bisita,
Maayo lang iya ang may mga may asawa,
Kay may naga dul-ong sang pagkaon nila,

Kami amon iya nga mga sultero,
Naga sulusandig sa pader nga bato…
Mag abot na gani ang amon amigo,
Dayon kulukadlaw, Pepsi, Sigarilyo

Lunes pagka aga,kami ang bistahon
Sa kasa Gobyerno ang amon padulong,
Mag abot na gani ang senyor tag hukom,
Dayon tililindog pati tumalambong

Ang makalulu-oy, kaming mga ultimo
Naga hilibi-on, wala ang abogado
Maayo lang iya ang may isa ka libo,
Yara ang abogado, matabang sa imo

Sang mabasahan na ang amon sentensya,
10-17, para ma-perpetua
Daw ano kasubo, tulukon sang mata
Daw ano kapait sang amon sentensya

Sang natapos na ang amon asunto,
Kami ang nanaog,Sa kasa gobyerno
Sarado sang posas, ang wala kag tuo,
Daw ano kasubo, kung makita nimo

Samtang nagalakat sa tunga sang dalan,
Ang gwardya naga ubay, sa kilid mag timbang
Kaming mapuli, sa amon puluy-an,
Karsil nga mapi-ot, ang amon pagasudlan

O’mga amigo nga yara sa guwa,
Indi guid mag himo sang mortal nga sala’,
Kami amon iya nga yari sa kuta,
Madugay nga tinuig wala maka guwa,
Madugay nga tinuig wala maka guwa…

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s