Ang Tumandok

tumandok imageTUMANDOK – Talapuanan sang mga Manunulat kag mangin-alamon nga Tumandok sang Kabisay-an Nakatundan. (It is a venue for writers and native wise men of Western Visayas)

Gil Camporazo is the author/owner of this blog written in Ilonggo edition. Ilonggo is one of the local dialects in the Philippines and it is used by the people in Region VI – Western Visayas.

Ay Abaw!

Ay Abaw!
ni Josell Tilar Vibal

nalingaw naman ko sulat sulat
sa akon nga pag hulat hulat

sa mga istorya nga liwat liwat
gahipos nalng wala sabat sabat

pero ang ba-ba ga kagat kagat
ang panan-awan ko sipat sipat

ka tanda gid kag indi libat libat
biskan ang suga ga igpat igpat

paminsaron ko ga lupad lupad
sin-o gusto mag tupad tupad

palapit lang kay lapad lapad
basta indi lang sabad sabad

kag di mag pa sagad sagad
para di ka mag pa higad higad

sa imo nga pag tilaw tilaw
indi ka na ka likaw likaw

ginhimu na lingaw lingaw
daw sa plasa ga lagaw lagaw

biskan wla gina dayaw dayaw
grabi gid ang pa ayaw ayaw

ang mata ga sabaw sabaw
ga ka kibot sa tyabaw tyabaw

kay ang igo apaw apaw
nangita na sang ipa umpaw umpaw!

AY ABAW!

(Binalaybay nga gindihon sg akon estudyante sadto sa elementarya. May pahanugot nga ibalhag diri gikan sa iya nga social media nga pahina kay didto una ginbalhag. – Tumandok)

Parangadion Sa Kaagahon

talan-awon

Parangadion Sa Kaagahon*
ni Eduard Percival Labadia

Maghimaya Ka Mga Nagriligad
Hay Napun-an Tinyo Kang Grasya,
Ang Ginuo Yara Gid Kaninyo,
Ginadayaw Kamo Matuod Nga Panahon
Labi Na Sa Mga Dinag-on Nga Tanan,
Ginadayaw Man Ang Mga Bunga
Sang Inyong Sapa, Taramnan Kag Suba,
O, Iloy Sang Kabugwason,
Patawara Sanda Nga Mga Tampuhaw
Kag Sakon, Nian Kag Sa Oras
Kang Andang Katapusan…
Amen

*May pahanugot sa nagsulat sini nga palangadion nga nabalhag sa iya Facebook sadtong 31 sg Oktubre 2016. Ang laragway ginapanag-iyahan man ni G. Eduard Percival Ladia.

Mga Hibubun-ot sg Manunudlo

 

Mam Jona Mateo

Manugbinalaybay

 

Mga Hibubun-ot sg Manunudlo
ni Jona Mateo

Daw ginakumos ining akon dughan
Sa masami ko nga mabasahan
Mga hibubun ot kg pagbakho sining akon mga kaupdanan
Ang facebook gid lamang ang ila palautwasan.

DLL ikaw bala bulig o huol sa mga maestra kag maestro?
Tungod sa imo madamo sa amon ang nagaalburuto
Malawig nga oras ang amon ginapatungod s imo
Wala na sang panahon sa panimalay, pamilya ginasakripisyo.

Paano nalang ining amon kabataan sa eskwelahan?
Nga kon tani sa ila pag-alam kami ila ginakinahanglan
Support Instructional Materials wala na malab-utan
Tungod sa DLL kakapoy kag katuyo amon nabatyagan.

Kabuhi sang manunudlo indi matawhay kag mahapos lamang
Madamo kag sari-sari nga kabataan ang ginapakigbagayan
Indi lamang pagtudlo ang hilikuton kundi bilang ginikanan man
Dedikasyon, determinasyon kag sakripisyo ang kinahanglan.

Ay ambot nalng paano ko bala ini tapuson?
Kay indi na ako kahibalo sang akon isugpon
Gani mga kauban sa inyo ko nalng ginatugyan
Ining pagtapos sang akon binalaybay nga gin umpisahan.

(Nabalhag ini sa Facebook. May panugot sa manunulat nga ibalhag diri.)